ዩኒቨርሲቲው ስራ አጥነትን በመቅረፍ ረገድ ድርሻውን እየተወጣ መሆኑ ተገለጸ

አድማስ ዩኒቨርስቲ በአዲስ አበባ በቢሸፍቱና በመቐለ በሚገኙ ካምፓሶቹ  ለ1 ሺሕ 1 መቶ 41  ዜጎች የስራ እድል መፍጠሩን አስታወቀ።    

የዩኒቨርስቲው የአስተዳደርና ፋይናንስ ምክትል ፕሬዚዳንት አቶ ካሳሁን አማረ እንደገለጹት  ዩኒቨርስቲው ያለው የሰው ሃይል በየጊዜው ከፍና ዝቅ የሚል ቢሆንም በአሁኑ ሰዓት  769 ቋሚና 372  የትርፍ ሰዓት መምህራን ዩኒቨርስቲው የፈጠረውን የስራ እድል ተጠቃሚ ሆነዋል።

አቶ ካሳሁን አያይዘውም አድማስ ዩኒቨርስቲ በተለያዩ የትምህርት ዘርፎችና እርከኖች የተማረን የሰው ሃይል ከማፍራት ባኛገር ለዜጎች የስራ እድል በመፍጠር ረገድም ቀላል የማይባል ሚና እንዳለው ገልጸዋል፡፡

ዩኒቨርስቲው ከተለያዩ ተቋማት ጋር የጠበቀ ግንኙነት በማድረግ ያሰለጠናቸውን ተማሪዎች ትምህርታቸውን ካጠናቀቁ በኋላ በቀላሉ የስራ እድል እንዲፈጠርላቸው እያደረገ ይገኛል፡፡

Please follow and like us:
0

አድማስ ዩኒቨርስቲ አይ ኤስ ኦ (ISO) ሰርቲፊኬት ለማግኘት የሚያስችል ስራ እየሰራ

አድማስ ዩኒቨርስቲ በኢትዮጲያ የጥራት ደረጃ ኤጀንሲ የተዘጋጁት ስታንዳርዶች በተገቢው መልክ በመፈፀም በ2012 ዓ/ም በተቋም ደረጃ አይ ኤስ ኦ (ISO) ሰርቲፊኬት ለማግኘት የሚያስችለውን ተግባራት  እያከናወነ መሆኑን ገለጸ።

የዩኒቨርስቲው የአካዳሚክ ምክትል ፕሬዚዳንት አቶ ብሩ አስማረ እንደገለጹት ዩኒቨርስቲው የትምህርት አሰጣጥ ጥራት ደረጃውን በማሳደግ ለዚሁ ተገቢ የሆነ እውቅና ለማግኘት የሚያስችለው ብቃት ላይ ይገኛል።

በቴክኒክና ሙያ ኮሌጀች የትምህርት ሥልጠና ጥራት ለማስጠበቅና   በየሙያ ደረጃው የሥርዓተ ትምህርት ክለሳ አድርጓል ያሉት ምክትል ፕሬዚዳንቱ  የማስልጠኛ መሳሪያዎች (TTLM) ዝግጅት በሁሉም የብቃት አሃዶች ማዘጋጀቱንና የትብብር ሥልጠናን አፈፃፃምን የሚያሻሻሉ  የተለያዩ ተገባራት እያከናወነ መሆኑን ለዝግጅት ክፍላችን ተናግረዋክል።      

አቶ ብሩ አያይዘውም  የምዘና ሥርዓቱን  ለማጠናከርና በዩኒቨርስቲው የሚተገበረውን የተከታታይ   ማጠቃለያና ተቋማዊ ምዘና   ዝግጅትና አፈፃፃም ደረጃውን የጠበቀ እንዲሆን መደረጉንም አስረድተዋል።

በኢትዩጵያ የደረጃ ኤጀንሲ (Ethiopia Standard Agency )የተዘጋጅ   ስተንደርዶችን ማለትም  የስርዓተ ትምህርት (Curriculum Requirement  ES. 6259-1 : 2018) ፣

የመሳሪያዎች ማሽነሪዎች( Tools machines & Equipment requirement ES 6259-8 : 2018)፣  የምዘናና የማሰልጠኛ መሳሪያዎች (Assessment & Instructional Materials ES 6299-9: 2011 ) እና የመሳሰሉትን   ተግባራዊ እያደረገ ፡መሆኑን አቶ ብሩ ገልጸዋል፡ ምክትል  ፕሬዚዳንቱ አያይዘውም በዩኒቨርሲቲው የሚስጠውን የቴክኒክና ሙያ ትምህርትና ሥልጠና በምርምር ለማገዝ እንዲቻል የተለያዩ  ጥናቶች በማካሄድ  ያሉ ችግሮችን የመለየት ስራ በየጊዜው እየተካሄደ መሆኑን ጠቁመዋል፡፡

Please follow and like us:
0