ተመራቂዎች በአገሪቱ የለውጥ እንቅስቃሴ በመሳተፍ አገራቸውን ማገልገል እንዳለባቸው ተገለፀ

አዲስ አበባ (ኢዜአ) – ተመራቂዎች በአገሪቱ የተጀመረው የለውጥ እንቅስቃሴ ውስጥ በመሳተፍ እራሳቸውን፣ ቤተሰቦቻቸውንና አገራቸውን ለማገልገል በታማኝነት መሳተፍ እንዳለባቸው የአድማስ ዩኒቨርሲቲ ፕሬዚዳንት ዶ/ር ሞላ ጸጋይ ገለጹ፡፡

አድማስ ዩኒቨርሲቲ በተለያዩ ትምህርት መስኮች ያሰለጠናቸውን 7 ሺህ 358 ተማሪዎችን በመጀመሪያ ዲግሪና በቴክኒክና ሙያ አስመርቋል።

የዩኒቨርሲቲው ፕሬዝዳንት ዶክተር ሞላ ጸጋይ በምርቃው ወቅት እንደተናገሩት ዩኒቨርሲቲው በአገሪቱ ብቁ የሰው ኃይል በማምረት የራሱን አስተዋጽኦ እያበረከተ ይገኛል።

ተመራቂዎች በአገሪቱ የተጀመረው የለውጥ እንቅስቃሴ ውስጥ በመሳተፍ አገራቸውን ለማገልገል በታማኝነት መሳተፍ አለባቸውም ብለዋል።

በዩኒቨርሲቲው እየሰለጠኑ የሚገኙ ተማሪዎች ለአገሪቷ ዕድገት የራሳቸውን አስተዋጽኦ እንዲያበረክቱም ተቋሙ የበኩሉን ድርሻ እየተወጣ መሆኑንም ተናግረዋል፡፡

ተመራቂ ተማሪዎች በበኩላቸው ባገኙት እውቀት አገራቸውን ለማገልገል እንደተዘጋጁ ተናግረዋል።

ከተመራቂ ተማሪዎች መካከል በዩኒቨርሲቲው ከፍተኛ ውጤት ያስመዘገበው ወጣት ጽጌብርሃን ስንታየሁ በኢትዮጵያ ያለው ለውጥ ለስራ የሚያነሳሳና ተስፋ የሚሰጥ በመሆኑ የበለጠ አስዋጽኦ ለማበርከት እንደሚያግዘው ተናግሯል።

ሌላዋ ተመራቂ ተማሪ እየሩሳሌም አስናቀ በበኩሏ ባገኘችው ዕውቀት ለመስራትና አገሯን ለማገልገል ዝግጁ መሆኗን ተናግራለች።

በገበየችው እውቀት ለመስራት አልያም የራሷን ስራ ፈጥራ ለመስራት እንደምትፈልግም ተናግራለች።

ከተመራቂዎቹ መካከል ከ2 ሺህ 300 በላይ በዲግሪ፣ 5 ሺህ 53 ደግሞ በቴክኒክና ሙያ ትምህርት መርኃ ግብሮች የሰለጠኑ ናቸው።

ዩኒቨርሲቲው ከ1993 ዓ.ም ጀምሮ እስከ አሁን ከ60 ሺህ በላይ ተማሪዎችን ማስመረቁ ተገልጿል።

Please follow and like us:
0

አድማስ ዩኒቨርሲቲ ከ7 ሺ በላይ ተማሪዎችን አስመረቀ

ዳግም ከበደ

አዲስ አበባ (አዲስ ዘመን) – አድማስ ዩኒቨርሲቲ አዲስ አበባ በሚገኙ ካምፓሶቹ በዲግሪ እና በቴክኒክ ሙያ ትምህርት እና ስልጠና መርሃ ግብሮች 7ሺ 358 ተማሪዎችን ትናንት አስመርቋል።

ተማሪዎቹ በአካውንቲንግ፣ በኮምፒውተር ሳይንስ፣ በቢዝነስ ማኔጅመንት እና በሌሎች ትምህርቶች የተመረቁ ናቸው።

በኮኮብ አዳራሽ የተገኙት የዩኒቨርሲቲው ፕሬዚዳንት ዶክተር ሞላ ፀጋይ የተማሪዎቹን መመረቅ አስመልክቶ ባስተላለፉት መልዕክት እንደተናገሩት፤ ዩኒቨርስቲው ላለፉት 19

ዓመታት በአገሪቷ የልማት እንቅስቃሴ የሚያስፈልገውን የተማረ የሰው ሃይል በማሰልጠን ረገድ የበኩሉን ድርሻ ተወጥቷል።  ዘንድሮም ከ7 ሺ በላይ ተማሪዎች ከ1 ኛው ገጽ የዞረ ተመርቀዋል።

«ዩኒቨርሲቲው የመማር ማስተማር ጥራቱን ከምንግዜውም በላይ ለመጨመር፤ በጥናት እና ምርምር ላይ አስተዋዕፆ ለማበርከት እንዲሁም የማህበረሰብ አገልግሎት ያለውን ብርቱ እንቅስቃሴ አጠናክሮ ይቀጥላል» ያሉት ፕሬዚዳንቱ የዘንድሮው ተመራቂዎች፤ በተመረቁበት የሙያ ዘርፍ አገራቸውን በጥሩ ስነ ስነምግባር ማገልገል እንዲችሉ አሳስበዋል።

ዩኒቨርስቲው ባለፉት 19 ዓመታት በመደበኛ እና በርቀት ትምህርት፤ በዲግሪ፣ በዲፕሎማ በሰርተፍኬት ከ60 ሺ በላይ ተማሪዎችን አስመርቋል። በአጠቃላይ በአሁኑ ወቅት በዲግሪ እና በቴክኒክ ሙያ በመደበኛውና በርቀት

ትምህርት በአገር ውስጥ እና በውጪ አገራት ( በሱማሌ ላንድ እና ፑንት ላንድ ) ከ30 ሺ በላይ ተማሪዎችን በማሰልጠን ላይ ይገኛል።

Please follow and like us:
0

ለአምስት የቴክኒክና ሙያ ኮሌጆች ዲኖች ሽልማት ተሰጠ

የአዲስ አበባ አስተዳደር ቴክኒክና ሙያ ቢሮ በየዓመቱ በሚያደርገው የሱፐርቪዥንና ኢንስፔክሽን፣ በከተማይቱ ከሚገኙ 75 የግል ቴክኒክና ሙያ ኮሌጆች በላቀ አፈጻጸማቸው ለተመረጡ አምስት የአድማስ ዩኒቨርሲቲ ካምፓሶች ዲኖች የምስክር ወረቀትና የገንዘብ ማበረታቻ ሽልማት ተሰጠ፡፡

የማበረታቻ የምስክር ወረቀት ከገንዘብ ሽልማት ጋር የተቀበሉ ዲኖች የመገናኛ፣ የመስቀል፣ የምስራቅ፣ የመካኒሳ እና የቃሊቲ ካምፓስ ዲኖች በቅደም ተከተል አቶ አህመድ ሰይድ፣ አቶ አቡበከር አብዱ፣ አቶ ጥበበሥላሴ ተክለማርያም፣ አቶ አምሳሉ ቶማስ እና አቶ ናትናኤል ስዩም መሆናቸውን የዩኒቨርሲቲው የቴክኒክና ሙያ ም/ፕሬዚደንት አቶ ብሩ አስማረ ገልጸዋል፡፡

በሽልማት ሥነሥርዓቱ ላይ ተገኝተው ሽልማቱን ለዲኖቹ በመስጠት ንግግር ያደረጉት የዩኒቨርሲቲው ፕሬዚደንት ዶ/ር ሞላ ፀጋይ በየዓመቱ ለሚደረገው ሱፐርቪዥንና ኢንስፔክሽን ከፍተኛ ዝግጅት በማድረግ ለሌሎች ካምፓሶች ልምድ በማካፈል ሁሉም ካምፓሶች ተመሳሳይ ደረጃ ላይ እንዲገኙ ላደረጋችሁት ጥረት ምስጋና ይገባል ብለዋል፡፡

ፕሬዚደንቱ አያይዘውም በቀጣይም የዓመቱን የምዘና ዕቅድ በማሳካት የእውቅና እድሳትና የምዘና የምስክር ወረቀት ካምፖሶቹ እንዲያገኙ የተጀመሩ ሥራዎችን በከፍተኛ ኃላፊነት እንደሚወጡ እምነታቸውን ገልጸዋል፡፡

ከተሸላሚዎች መካከል የመገናኛ ካምፓስ ዲን አቶ አህመድ ሰይድ ለፍኖተ አድማስ እንደተናገሩት የማበረታቻ ሽልማቱ የበለጠ ለመስራት እንደሚያግዝ ጠቁመው ይህ ዓይነቱ ማበረታቻ በአድማስ በየዓመቱ ሲፈጸም የነበረ ሲሆን የዘንድሮው ለየት የሚያደርገው በአዲስ አበባ ከሚገኙ የግል ቴክኒክና ሙያ ኮሌጆች ጋር ተወዳድረን ባገኘነው ከፍተኛ ውጤት በመሆኑ በጣም አስደሳች ነው ብለዋል፡፡

አቶ አህመድ አያይዘውም ለቀጣይ የተሻለ ሥራ እንዲሰራ ያደርጋል፣ የካምፓሱን ሰራተኞች መምህራንና ተማሪዎችን ብርታትና ጥንካሬ ያጠናክራል፣ ይህንን በቋሚነት እየፈፀሙ ላሉ ኃላፊዎችም ምስጋናዬን አቀርባለሁ ብለዋል፡፡

Please follow and like us:
0

የአዲስ አበባ ቴክኒክና ሙያ ቢሮ በከተማው ባሉ 75 የግል ቴክኒክና ሙያ ኮሌጆች በአርአያነት ከመረጣቸው ስድስት ኮሌጆች መካከል፣ አምስቱ የአድማስ ዩኒቨርሲቲ መሆናቸውን ዩኒቨርሲቲው አስታወቀ፡፡

የዩኒቨርሲቲው ቴክኒክና ሙያ ምክትል ፕሬዚደንት አቶ ብሩ አስማረ ለፍኖተ አድማስ እንዳስታወቁት ቢሮው በአዲስ አበባ መስተዳድር የሚገኙ የግል የቴክኒክና ሙያ ኮሌጆችን የትምህርት ጥራትና የሰልጣኝ ተማሪዎች ብቃት ያረጋግጣሉ ያላቸውን የምዘና መስፈርቶች ተጠቅሞ በመገምገም ስደስት ኮሌጆችን በመጀመሪያ ደረጃ የመረጠ ሲሆን ከእነዚህ መካከል አምስቱ የአድማስ ዩኒቨርሲቲ መሆናቸውን ተናግረዋል፡፡

ኮሌጆቹ በቅድመ ዝግጅት፣ በትግበራና በድህረ ምረቃ ባላቸው አጠቃላይ እንቅስቃሴና ውጤታማነት መገምገማቸውን የገለጹት ምክትል ፕሬዚደንቱ አምስቱም የአድማስ ዩኒቨርሲቲ ኮሌጆች የመመዘኛ ነጥቦቹን በተገቢው ሁኔታ በማሟላታቸው ሁሉም መመረጥ ችለዋል፡፡

መስፈርቶቹ የመመሪያና ደንብ አፈጻጸም፣ መረጃ አያያዝ፣ የአሰልጣኞች ብቃት፣ የምዘና ሥርዓትና አተገባበር፣ ተቋማዊ አቅምና በድህረ ምረቃ ያላቸውን የገበያ ፍላጎት መሰረት ያደረጉ ሲሆን አምስቱም ኮሌጆች በመስፈርቶቹ መሰረት ከፍተኛ ደረጃ መመደባቸውን አቶ ብሩ አስረድተዋል፡፡

ም/ፕሬዚደንቱ አያይዘውም ምንም እንኳን የቴክኒክና ሙያ ሥልጠና ከፍተኛ መዋዕለ ንዋይና ሰፊ ኢንቨስትመንት የሚጠይቅ ቢሆንም ዩኒቨርሲቲው አስፈላጊውን በጀት በመመደብ የኮሌጆቹን አደረጃጀት፣ የትምህርት ግብዓቶችና ብቃት ያላቸውን አሰልጣኞች በማሟላት ለዚህ ውጤት መብቃቱን አክለው ገልጸዋል፡፡

ኮሌጆቹ ለውጤት ያበቃቸውን አጠቃላይ የሥራ ክንውን ወደ ሌሎች የግል ቴክኒክና ሙያ ኮሌጆች እንዲስፋፉ ለማገዝም የአዲስ አበባ የቴክኒክና ሙያ ቢሮ ባዘጋጀው የልምድ ልውውጥ ፕሮግራም ከ 75 ኮሌጆች የተውጣጡ አመራሮች ካምፓሶቹን እንዲጎበኙ ተደርጓል ብለዋል፡፡

በዚሁ መሰረት የመካኒሳና የመገናኛ ኮሌጆች መጎብኘታቸውን የገለጹት አቶ ብሩ ጎብኝዎቹ ያዩትን አጠቃላይ ሁኔታ አድንቀው ተሞክሮውን ወደየተቋማቸው ወስደው ለመተግበር እንደሚፈልጉ ገልጸዋል፡፡

ም/ፕሬዚደንቱ አያይዘውም ተማሪዎች በድህረ ምረቃ ወቅት ሥራ እንዲያገኙ ለማገዝ ዩኒቨርሲቲው የተመራቂ ተማሪዎችና ማህበረሰብ ቢሮ በማቋቋምና በማደራጀት በየዓመቱ በተለያየ የትምህርት መስክ የሚመረቁ ተማሪዎች ከተለያዩ ተቋማት ጋር ግንኙነት በማድረግ እገዛ በማድረግ ላይ መሆኑንም ጠቁመዋል፡፡

Please follow and like us:
0

አድማስ በተማሪዎች አንደበት…

አድማስ ኒቨርስቲ ከ1993 ዓ/ም አሰካሁን ድረስ ባለው ጊዜ ከ63 ሺህ በላይ ተማሪዎች በተለያዩ የትምህርት ፕሮግራሞች አሰልጥኖ አስመርቋል፡፡ ባለፉት ሁለት አሰርት ዓመታት ባፈራው የሰው ኋይል እንደ አንድ የግል ተቋም የሚጠበቅበትን መወጣት ችሏል ቢባል ማጋነን አይሆንም፡፡ እስካሁን ድረስ አሰልጥኖ ያስመረቃቸው ዜጎች በአግሪቱ የኢኮኖሚ ግንባታ የበኩላቸውን እየተወጡ እንደሚገኙ መረጃዎች ያሳያሉ፡፡

በአሁኑ ሰዓትም በአስር ሺዎች የሚቆጠሩ ዜጎችን እያሰለጠነ ይገኛል፡፡ ዩኒቨርሲቲው  ለትምህርት ጥራት በሰጠው ልዩ ትኩረት የውስጥ አደረጃጀቱን በማስተካከልና አሰራር በመዘርጋት ብቃት ያላቸው ዜጎችን ለማፍራት ጥረት እያደረገ ይገኛል፡፡

ባለፉት ተከታታይ ዓመታት የትምህርት ጥራትን ለማረጋገጥ ባደረጋቸው ቀጣይነት ያላቸው ተግባራት ምክንያትም  በ2010 ዓ/ም የአዲስ አበባ አስተዳደር ቴክኒክና ሙያ ቢሮ በከተማይቱ የሚገኙ የግል ኮሌጆችን በመከታተልና በመገምገም ደረጃ የማውጣት ስራን ያከናውናል፡፡ በተለይም የትምህረት ጥራት ያረጋግጣሉ ያላቸውን መስፈርቶችን በማውጣት  በከተማይቱ በሚገኙ 75 የግል የቴክኒክና ሙያ ኮሌጆች ባካሄደው ዓመታዊ ግምገማ ስድስት ኮሌጆችን በከፍተኛ ደረጃ መርጧል፡፡

በአፈጻጸማቸውና ባላቸው የትምህርት አሰጣጥ ብቃት ከመረጣቸው ስድስት ኮሌጆች  መካከልም አምስቱ የአድማስ ዩኒቨርሲቲ ኮሌጆች ናቸው፡፡ ይህ የሚያስደንቅ ውጤት ነው፡፡ይህ ውጤት የተገኘው ዩኒቨርሲቲው ጥራትን ለማረጋገጥ በሚያደርጋቸው ተከታታይ  ጥረቶች እንደሆነ እሙን ነው፡፡ የአዲስ አበባ ቴክኒክና ሙያ ቢሮ በሰጠው ምስክርነት መሰረት የአድማስ ኮሌጆች ከሁሉም የግል ኮልጆች በተውጣጡ አመራሮች ተጎብኝተዋል፡፡ ይህ የዩኒቨርሲቲው የትምህርት አሰጣጥ ጥራት ደረጃ የሚሳይ ነው፡፡ ከዚህ ጋር ተያይዞ በዩኒቨርሲቲው ትምህርታቸውን ሲከታተሉ የነመበሩ ተማሪዎችስ ምን ይላሉ?

ተስፋዬ ታደሰ በአድማስ ዩኒቨርሲቲ ቢሸፍቱ ካምፓስ ላለፉት ሶስት ዓመታት በአካውንትንግ የድግሪ ፕሮግራም ትምህረርቱን ሲከታተል  ከቆየ በኋላ ሐምሌ 21 ቀን 2010 ዓ/ም በደማቅ ሁኔታ በተከበረው የምረቃ ስነስርዓት ከተመረቁ 4 መቶ 90ተማሪዎች መካከል አንዱ ነው፡፡ ተስፋዬን ከሌሎች ለየት የሚያደርገው  በከፍተኛ ውጤት በማጠናቀቁ የዋንጫ ተመራቂ መሆኑ ነው፡፡ በዩኒቨርሲቲው የተመራቂ ተማሪዎች ፕሬዚደንት ሆኖም ሰርቷል፡፡

ተስፋዬ ስለ አድማስ ዩኒቨርሲቲ ሲናገር “አድማስን ከሌሎች ዩኒቨርሲቲዎች ለየት የሚያደርጉት  ነገሮች  አሉት፡፡ ከእነዚህም መካከል በቀዳሚነት ሊጠቀስ የሚችለው ለትምህርት ጥራት የሰጠው ትኩረት ነው፡፡“ ይላል፡፡

ለትምህርት ጥራት የሚያደርገው ጥረት የተለያዩ መገለጫዎች እንዳሉትም ተስፋዬ ይናገራል፡፡ “ዩኒቨሬሲቲው ብቃት ያላቸው መምህራንን በመመመደብ፣ ላይብራሪና ሌሎች የመማሪያ ቁሳቁሶችን በሟሟላት፣ የምዘና ስርዓቱን በማጠናከርና ተከታታይ ምዘና በመስጠት የትምህርት ጥራቱን ለማረጋገጥ ከፍተኛ ጥረት ያደርጋል::”

ተስፋዬ አያይዞም ዩኒቨርሲቲው ክትትልና ድጋፍን በማድረግ እንደዚሁም በተማሪዎች የሚነሱ ችግሮችን ባግባቡ በመረዳት በፍትነት በመፍታትና የተማሪዎች ለውጥ ከጊዜ ወደ ጊዜ ያለውን ለውጥ በመከታተልና በመገምገም የተሻለ ውጤት እንዲያመጡ በማገዝ ረገድ የሚፈጽማቸው ተግባራት ዩኒቨርሲቲውን ተመራጭ ያደርገዋል ይላል::

Please follow and like us:
0

ትዕግስት ጸጋየ

ትዕግስት ጸጋየ በበኩሏ ዩኒቨርሲቲው በልዩ ትኩረት ተማሪዎችን በመከታተልና ደረጃውን የጠበቀ ምዘና በማድረግ ሰልጥነው

የሚወጡ ተማሪዎች በሁሉም መልክ ተወዳዳሪ እንዲሆኑ ድጋፍ ያደርጋል ትላለች፡፡ ቀደም ሲል ከሌላ ዩኒቨርሲቲ በሌላ ትምህርት የመጀመሪያ ዲግሪ እንዳላት የገለጸች ትዕግስት አድማስ ብቃት ያላቸውን መምህራን በመመደብ ጥራቱን የጠበቀ ትምህርት በመስጠት ተማሪዎችን ለማብቃት የተለያዩ ተግባራትን እንደሚያከናውን ትናገራለች::

በማኔጅመንት የዲግሪ ተመራቂ የሆነችው ትዕግስት ኢሬና በበኩሏ አድማስን ከሌሎች ዩኒቨርሲቲዎች ከሚለዩት መሰረታዊ ጉዳዮች አንዱ የመምህራን ብቃትና የምዘና አሰጣጥ ስርዓቱ ጠንካራ መሆኑ ነው ትላለች:: ትዕግስት አያይዛም በተለይ መምህራን ከተማሪዎቻቸው ጋር ያላቸው ቅርበት የጠበቀ በመሆኑ ከተማሪዎች የሚነሱ ችግሮችን በወቅቱ ለመፍታት ያስችላል ይህ ደግሞ  ለመማር ማስተናሩ መጠናከር የጎላ ድርሻ እንዳለው ትናገራለች::

Please follow and like us:
0

በአካውንቲንግ የድግሪ ተመራቂ የሆነው አዲሱ ቱፋ:

ዩኒቨርሲቲው ተማሪዎችን ውጤታማ ለማድረግ የተለያዩ የክትትልና ድጋፍ ተግባራትን ያከናውናል:: ለተማሪው የሚያስፈልጉ ነገሮች እንዲሟሉም ጥረት ያደርጋል:: ዩኒቨርሲቲው ብቃት ያላቸውን መምህራን በመመደብ የሚሰጠው ትምህርት የጥራት ደረጃውን ለመጠበቅ የተለያዩ ጥረቶች እንደሚያደርግም አዲሱ ይናገራል::

አዲሱ አያይዞም  “የትምህርት አሰጣጥ ጥራትን ለማስጠበቅ ዩኒቨርሲቲው የሚያደርገው ከሚያደርጋቸው ዘርፈ ብዙ ጥረቶች መካከል  በተከታታይና በማጠቃለያ የሚሰጡ ፈተናዎች ደረጃቸው የጠበቁ እንዲሆኑ በማድረግ ተማሪዎች ይህንን አውቀው በቂ ጥናትና ዝግጅት እንዲያደርጉ ያበረታታል፡፡“ ይላል::

Please follow and like us:
0

ቤተማሪያም ግዛውም

ቤተማሪያም ግዛውም ከተመራቂ ተማሪዎች አንዱ ሲሆን አድማስ ዩኒቨርሲቲ በትምህርት አሰጣጥ  ጥራቱ ጥያቄ የለውም ይላል::በአካውንቲንግ ለሶስት ዓመታት ትምህርቱን ተከታትሎ በዚህ ዓመት ለመመረቅ የበቃው ተማሪ ቤተማሪያም ዩኒቨሬሲቲው ጥራትን ለማረጋገጥ ልዩ ትኩረት ሰጥቶ እየሰራ ነው:: ከዚህ ጎን ለጎን ደረጃውን የጠበቃ ምዘና በመስጠት ተወዳዳሪ የሆኑ ተማሪዎችን አሰልጥኖ እያወጣ እንደሆነም ይመሰክራል

Please follow and like us:
0

Meskel TVET College

Campus Name:

  • Meskel Campus (TVET College)

Year of Establishment:

  • 1995 E.C.

Location:

  • Meskel TVET College,

Kirkos Sub City

Woreda 09

Kebele 15/16

Meskel Square, on the road to Lancha, Infront of St. Joseph High School

Addis Ababa, Ethiopia

Contact Address:

Dean Office

+251 – 115 – 152069

E-mail: meskelcampus@amasuniversity.edu.et

Registrar Office

 +251 – 115 – 152074

Academic Programs

S/NProgramsLevel
1Basic Clerical WorksI
2Clerical Works SupportII
3Customer  Contact Work  Works SupportII
4Basic Account WorksII
5Human Resource  OperationIII
6Purchasing Property OperationIII
7Marketing ServicesIII
8Costumer Contact & Secretarial OperationIII
9Account &Budget SupportIII
10Human Resource  SupervisionIV
11Purchasing Operation CoordinationIV
12Marketing Operation CoordinationIV
13Costumer Contact & Secretarial Operation CoordinationIV
14Account & Budget ServiceIV
15It Support ServiceI
16It Support ServiceII
17Hardware & Network ServicingIII
18Web& Multimedia       Designing  &DevelopmentIII
19Database AdministrationIII
20Hardware & Network ServicingIV
21Web& Multimedia       Designing  &DevelopmentIV
22Database AdministrationIV
23Basic Electrical / Electronic Equipment ServicingI
24Basic Home /Office Electrical /Electronic Equipment ServicingII
25Intermediate Home /Office Electrical /Electronic Equipment ServicingIII
26Electrical /Electronic Servicing ManagementIV
27Legal ServicesIII
28Legal ServicesIV

Find Us

Address
123 Main Street
New York, NY 10001

Hours
Monday—Friday: 9:00AM–5:00PM
Saturday & Sunday: 11:00AM–3:00PM

Search

Search for:

Please follow and like us:
0

Megenagna Square Campus

Campus Name:

  • Megenagna Campus (Institute of Hotel and Tourism)

Year of Establishment:

  • 2007 E.C./2014 G.C.

Location:

  • Megenagna Campus,

Bole Sub City

Woreda 05

Megenagna Square, Behind Renaissance Bldg. of the Commercial Bank of Ethiopia

Addis Ababa, Ethiopia

Contact Address:

Dean Office

+251 – 116 – 67-41-27

E-mail: megenagnacampus@amasuniversity.edu.et

Academic Departments

+251 – 116 – 67-41-15     or

+251 – 116 – 67-41-17

Registrar

 +251 – 115 – 67-41-09

Academic Programs

  1. Bachelor of Arts (BA) Degree in Accounting and Finance
  2. Bachelor of Arts (BA) Degree in Business Management
  3. Bachelor of Arts (BA) Degree in Marketing Management
  4. Bachelor of Science (BSc) Degree in Computer Science
  5. Bachelor of Arts (BA) Degree in Hotel Management
  •  Hotel and Tour Operation Programs in various TVET Training levels
  •  Various short-term trainings including CISCO and Peachtree (Computerized Accounting).
Please follow and like us:
0